» செய்திகள் - விளையாட்டு » விளையாட்டு
சாய் சுதர்சன் - ஷுப்மன் கில் அதிரடி : பிளே ஆஃப் சுற்றுக்கு குஜராத் தகுதி!!
திங்கள் 19, மே 2025 10:47:13 AM (IST)

ஐபிஎல் போட்டியின் 60-ஆவது ஆட்டத்தில் குஜராத் டைட்டன்ஸ் 10 விக்கெட்டுகள் வித்தியாசத்தில் டெல்லி கேப்பிட்டல்ஸை வீழ்த்தியது. இந்த அபார வெற்றியின் மூலமாக குஜராத் பிளே ஆஃப் சுற்றுக்கு தகுதிபெற்றது.
ஐபிஎல்லில் 60வது லீக் போட்டியில் நேற்று டெல்லி, குஜராத் அணிகள் மோதின. முதலில் களமிறங்கிய டெல்லி அணியின் துவக்க வீரர் ஃபாப் டூப்ளெஸிஸ் 5 ரன்னில் வீழ்ந்தார். மற்றொரு துவக்க வீரர் கே.எல்.ராகுல் அபாரமாக ஆடி ரன் குவிப்பில் ஈடுபட்டார். அவருடன் இணை சேர்ந்து ஆடிய அபிஷேக் பொரெல் 30 ரன்னில் ஆட்டமிழந்தார். அதன் பின், ராகுலுடன், கேப்டன் அக்சர் படேல் இணை சேர்ந்தார். இவர்கள் சிறப்பாக ஆடிக் கொண்டிருந்த நிலையில், அக்சர் படேல் (25 ரன்) அவுட்டானார்.
அதையடுத்து, டிரிஸ்டன் ஸ்டப்ஸ் வந்தார். சிறிது நேரத்தில், ராகுல் சதம் (60 பந்து) கடந்தார். 20 ஓவர் முடிவில் டெல்லி, 3 விக்கெட் இழப்புக்கு 199 ரன் குவித்தது. இதையடுத்து, களம் இறங்கிய குஜராத் அணி ஆரம்பம் முதலே அதிரடியாக விளையாடியது. குறிப்பாக தமிழ்நாட்டை சேர்ந்த சாய் சுதர்சன் டெல்லி பந்து வீச்சை துவம்சம் செய்தார். இறுதியில் 19 ஓவரில் விக்கெட் இழப்பின்றி 205 ரன்கள் எடுத்து 10 விக்கெட் வித்தியாசத்தில் அந்த அணி வெற்றிபெற்றது. இறுதிவை ஆட்டமிழக்காமல் சாய் சுதர்சன் 108 ரன்கள், சுப்மன் கில் 93 ரன்கள் எடுத்தனர். இந்த வெற்றியை அடுத்து, குஜராத், பெங்களூரு மற்றும் பஞ்சாப் அணிகள் பிளேஆப் தகுதி பெற்றன.
மக்கள் கருத்து
மேலும் தொடரும் செய்திகள்

பிசிசிஐ தலைவர் பதவியில் இருந்து விலகிய ரோஜர் பின்னி: ராஜீவ் சுக்லா பொறுப்பேற்பு!
வெள்ளி 29, ஆகஸ்ட் 2025 5:12:23 PM (IST)

மகிழ்ச்சியுடன் திரும்பவில்லை.. ஆனால் அக்கறையுடன்.. 3 மாதங்களுக்கு பிறகு ஆர்சிபி பதிவு!
வியாழன் 28, ஆகஸ்ட் 2025 5:41:31 PM (IST)

ஐபிஎல் கிரிக்கெட் போட்டியில் இருந்து ஓய்வு: அஸ்வின் அறிவிப்பு
புதன் 27, ஆகஸ்ட் 2025 11:39:07 AM (IST)

தென் ஆப்பிரிக்க டி20 லீக் : பயிற்சியாளராக கங்குலி நியமனம்!
செவ்வாய் 26, ஆகஸ்ட் 2025 4:50:05 PM (IST)

சர்வதேச கிரிக்கெட்டிலிருந்து புஜாரா ஓய்வு: முன்னாள் வீரர்கள் வாழ்த்து
திங்கள் 25, ஆகஸ்ட் 2025 12:18:00 PM (IST)

தென் ஆப்பிரிக்காவுக்கு எதிராக அபார வெற்றி: இந்தியாவின் சாதனையை முறியடித்த ஆஸி!
திங்கள் 25, ஆகஸ்ட் 2025 12:10:45 PM (IST)
