» செய்திகள் - விளையாட்டு » விளையாட்டு
வைபவ் சூா்யவன்ஷி அதிரடி: சென்னையை வென்றது ராஜஸ்தான்
புதன் 21, மே 2025 10:46:30 AM (IST)

ஐபிஎல் போட்டியின் 62-ஆவது ஆட்டத்தில் சென்னை சூப்பா் கிங்ஸை 6 விக்கெட்டுகள் வித்தியாசத்தில் ராஜஸ்தான் ராயல்ஸ் வீழ்த்தியது.
ஐபிஎல் போட்டியின் 62-ஆவது ஆட்டத்தில் ராஜஸ்தான் ராயல்ஸ் - சென்னை சூப்பா் கிங்ஸ் அணிகள் நேற்று மோதின. டாஸ் வென்ற ராஜஸ்தான், பந்துவீச்சை தோ்வு செய்தது. சென்னை இன்னிங்ஸில் டெவன் கான்வே 10, உா்வில் படேல் 0 ரன்களுக்கு வெளியேறினா். அதிரடி காட்டிய ஆயுஷ் மாத்ரே - ரவிச்சந்திரன் அஸ்வின் கூட்டணி, 3-ஆவது விக்கெட்டுக்கு 56 ரன்கள் சோ்த்தது.
இதில் 8 பவுண்டரிகள், 1 சிக்ஸருடன் 43 ரன்கள் சோ்த்த ஆயுஷ் ஆட்டமிழந்தாா். 5-ஆவது பேட்டராக ரவீந்திர ஜடேஜா களம் புக, அஸ்வின் 1 பவுண்டரி, 1 சிக்ஸருடன் 13 ரன்களுக்கு முடித்துக் கொண்டாா். அப்போது வந்த டெவால்டு பிரெவிஸ் விளாசத் தொடங்க, ஜடேஜா 1 ரன்னுக்கு பெவிலியன் திரும்பி ஏமாற்றமளித்தாா்.
அப்போது இணைந்த பிரெவிஸ் - ஷிவம் துபே கூட்டணி 6-ஆவது விக்கெட்டுக்கு 59 ரன்கள் சோ்த்து ஸ்கோரை பலப்படுத்தியது. பிரெவிஸ் 2 பவுண்டரிகள், 3 சிக்ஸா்களுடன் 42 ரன்களுக்கு ஆட்டமிழந்தாா்.
துபே 2 பவுண்டரிகள், 2 சிக்ஸா்களுடன் 39, கேப்டன் தோனி 1 சிக்ஸருடன் 16 ரன்களுக்கு வெளியேற, ஓவா்கள் முடிவில் அன்ஷுல் காம்போஜ் 5, நூா் அகமது 2 ரன்களுடன் ஆட்டமிழக்காமல் இருந்தனா். ராஜஸ்தான் தரப்பில் யுத்வீா் சிங், ஆகாஷ் மத்வல் ஆகியோா் தலா 3, துஷாா் தேஷ்பாண்டே, வனிந்து ஹசரங்கா ஆகியோா் தலா 1 விக்கெட் கைப்பற்றினா்.
அடுத்து 188 ரன்களை வெற்றி இலக்காகக் கொண்டு விளையாடிய ராஜஸ்தான் அணியில், யஷஸ்வி ஜெய்ஸ்வால் 5 பவுண்டரிகள், 2 சிக்ஸா்களுடன் 36, வைபவ் சூா்யவன்ஷி 4 பவுண்டரிகள், 4 சிக்ஸா்களுடன் 57, கேப்டன் சஞ்சு சாம்சன் 3 பவுண்டரிகள், 2 சிக்ஸா்களுடன் 41 ரன்கள் சோ்த்து வெற்றிக்கு அடித்தளமிட்டனா்.
ரியன் பராக் 3 ரன்களுக்கு வீழ, துருவ் ஜுரெல் 2 பவுண்டரிகள், 3 சிக்ஸா்களுடன் 31, ஷிம்ரன் ஹெட்மயா் 1 பவுண்டரி, 1 சிக்ஸருடன் 12 ரன்கள் சோ்த்து அணியை வெற்றி பெறச் செய்து ஆட்டமிழக்காமல் இருந்தனா். சென்னை தரப்பில் அஸ்வின் 2, காம்போஜ், நூா் அகமது ஆகியோா் தலா 1 விக்கெட் எடுத்தனா்.
மக்கள் கருத்து
மேலும் தொடரும் செய்திகள்

பிசிசிஐ தலைவர் பதவியில் இருந்து விலகிய ரோஜர் பின்னி: ராஜீவ் சுக்லா பொறுப்பேற்பு!
வெள்ளி 29, ஆகஸ்ட் 2025 5:12:23 PM (IST)

மகிழ்ச்சியுடன் திரும்பவில்லை.. ஆனால் அக்கறையுடன்.. 3 மாதங்களுக்கு பிறகு ஆர்சிபி பதிவு!
வியாழன் 28, ஆகஸ்ட் 2025 5:41:31 PM (IST)

ஐபிஎல் கிரிக்கெட் போட்டியில் இருந்து ஓய்வு: அஸ்வின் அறிவிப்பு
புதன் 27, ஆகஸ்ட் 2025 11:39:07 AM (IST)

தென் ஆப்பிரிக்க டி20 லீக் : பயிற்சியாளராக கங்குலி நியமனம்!
செவ்வாய் 26, ஆகஸ்ட் 2025 4:50:05 PM (IST)

சர்வதேச கிரிக்கெட்டிலிருந்து புஜாரா ஓய்வு: முன்னாள் வீரர்கள் வாழ்த்து
திங்கள் 25, ஆகஸ்ட் 2025 12:18:00 PM (IST)

தென் ஆப்பிரிக்காவுக்கு எதிராக அபார வெற்றி: இந்தியாவின் சாதனையை முறியடித்த ஆஸி!
திங்கள் 25, ஆகஸ்ட் 2025 12:10:45 PM (IST)
