தூத்துக்குடியில் முடி திருத்தும் கட்டணம் உயர்வு : சங்க கூட்டத்தில் முடிவு!

தூத்துக்குடியில் முடி திருத்தும் கட்டணம் வரும் ஜனவரி 1ஆம் தேதி முதல் உயர்த்த முடிவு செய்யப்பட்டுள்ளது. 

தூத்துக்குடி மாவட்ட முடித்திருத்துவோர் மற்றும் மருத்துவர் சங்க நிர்வாகிகள் கூட்டம் சி.ஐ.டி.யூ மாவட்ட அலுவலகத்தில் மாவட்ட தலைவர் டென்சில் தலைமையில் நடைபெற்றது. கூட்டத்தில் சி.ஐ.டி.யூ மாவட்ட செயலாளர் ரசல் சிறப்புரை ஆற்றினார். 

கூட்டத்தில் மாவட்ட செயலாளர் நாகராஜ் பேசுகையில் "தூத்துக்குடி மாநகராட்சிக்கு உட்பட்ட அனைத்து பகதிகளிலும் பரவும் வைரஸ் காய்ச்சல் கட்டுப்படுத்திட மருத்துவ கண்காணிப்பு நடத்திட வேண்டும். பெட்ரோல், கேஸ், மளிகை உள்ளிட்ட அத்தியாவசிய பொருட்களின் விலை உயர்ந்துள்ளதால் கட்டிங், ஷேவிங் கட்டணம் உயர்த்த முடிவு செய்யப்பட்டுள்ளதாக தெரிவித்தார்.

2024 ஜனவரி 1, முதல் கட்டண உயர்வு அமலுக்கு வருகிறது. இதன்படி கட்டிங் 130, ஏசி சலூன் 150, மாடல் கட்டிங் 200, ஏசி சலூன் 250, சேவிங் 80, ஏசி சலூன் 100, சிறுவர் கட்டிங் 5 வயது உட்படவர்களுக்கு 100, ஏசி சலூன் 120, தாடி ஒதுக்குதல் 100, ஏசி சலூன் 120 கட்டிங் & சேவிங் டை 350, ஏசி சலூன் 400, ஹெட் மசாஜ் 220 ஏசி சலூன் 250, பேபி கட்டிங் 150 ஏசி சலூன் 200, ஸ்பெஷல் சேவிங் போம் 100 ஏசி சலூன் 150, தலைவழித்தல் & சேவிங் 250 ஏசி சலூன் 300 எனத் தெரிவிக்கப்பட்டுள்ளது.