சட்டப்பணி ஆணைக்குழு சார்பில் சட்ட விழிப்புணர்வு முகாம் : நீதிபதி பங்கேற்பு

கூத்தன்குழி பாஸ்டர் லென்சன் பாலிடெக்னிக் கல்லூரியில் நடைபெற்ற சட்ட விழிப்புணர்வு முகாமில் மாவட்ட உரிமையியல் மற்றும் குற்றவியல் நடுவர் நீதிமன்ற நீதிபதி குபேர சுந்தர் சிறப்பு விருந்தினராக கலந்து கொண்டார். 

நெல்லை மாவட்டம், கூத்தன்குழி பாஸ்டர் லென்சன் பாலிடெக்னிக் கல்லூரியில் ராதாபுரம் தாலுகா சட்டப் பணிக்குழு சார்பில் சட்ட விழிப்புணர்வு முகாமில் மாவட்ட உரிமையியல் மற்றும் குற்றவியல் நடுவர் நீதிமன்ற நீதிபதி குபேர சுந்தர் சிறப்பு விருந்தினராக கலந்து கொண்டு சிறப்புரையாற்றி பேசுகையில், சட்டப்பணி ஆணைக்குழு மூலம் கல்லூரிகளில் ராகிங் செய்தால் சட்டத்தில் என்னென்ன வழிமுறைகள் உள்ளது என்பதை மிகவும் எளிமையாக எடுத்துரைத்தார். 

மேலும், சிறப்பு விருந்தினர் மற்றும் கல்லூரி அருட்தந்தை லூர்து ஜெயராஜ், அருட்தந்தை ஆல்பர்ட் ஜான்சன், முதல்வர் கண்ணன் ஆகியோர் கல்லூரி வளாகத்தில் மரக்கன்றுகள் நட்டனர். வழக்கறிஞர்கள் சங்க தலைவர் வழக்கறிஞர் இசக்கியப்பன், செயலாளர் கந்தசாமி, மற்றும் ஜெயாபிரின்சஸ், தனசேகர், செல்லத்துரை, ஆகிய வழக்கறிஞர்கள் சட்டப்பணி ஆணைக்குழுவின் பணிகள் குறித்து எடுத்துரைத்தனர். 

இந்நிகழ்ச்சியில் அருட்தந்தை டோமினிக், வழக்கறிஞர்கள் சங்க துணை தலைவர் ராஜேஷ் , வழக்கறிஞர்கள் ராயர், மனோராஜ், பொன்ராஜ், சங்கரி, சுந்தரம், கூடங்குளம் காவல் உதவி ஆய்வாளர் முருகன் மற்றும் பாலிடெக்னிக் கல்லூரி மாணவ மாணவிகள் என பலர் கலந்து கொண்டனர். நிகழ்ச்சி ஏற்பாடுகளை தாலுகா சட்டப்பணி ஆணைக்குழு நிர்வாக உதவியாளர் லெட்சுமி செய்திருந்தார்.