» செய்திகள் - விளையாட்டு » மாவட்ட செய்தி (திருநெல்வேலி)
பாளை. மத்திய சிறையில் கைதி தூக்குப்போட்டு தற்கொலை: போக்சோ வழக்கில் கைதானவர்
புதன் 15, அக்டோபர் 2025 8:46:52 AM (IST)
பாளையங்கோட்டை மத்திய சிறையில் போக்சோ வழக்கில் கைது செய்யப்பட்ட கைதி தூக்குப்போட்டு தற்கொலை செய்து கொண்டார்.
தென்காசி மாவட்டம் கடையநல்லூர் அருகே உள்ள காசிதர்மம் அம்மன் கோவில் தெருவைச் சேர்ந்தவர் மாடசாமி. இவருடைய மகன் வினோத்குமார் (30). கூலி தொழிலாளி. இவருக்கு முத்துலட்சுமி என்ற மனைவியும், மதுசுதன் (5), மகேஷ் (2 மாதம்) ஆகிய 2 மகன்களும் உள்ளனர்.
கடந்த 2019-ம் ஆண்டு சிறுமிக்கு பாலியல் தொல்லை கொடுத்ததாக, தென்காசி அனைத்து மகளிர் போலீசார் போக்சோ சட்டத்தில் வழக்குப்பதிவு செய்து வினோத்குமாரை கைது செய்தனர். பின்னர் அவரை பாளையங்கோட்டை மத்திய சிறையில் அடைத்தனர்.
அதன்பிறகு ஜாமீனில் சிறையில் இருந்து வெளியே வந்த வினோத்குமார் வழக்கு விசாரணைக்கு கோர்ட்டில் ஆஜராகாமல் தலைமறைவானார். கடந்த 10 நாட்களுக்கு முன்பு வினோத்குமாரை தென்காசி அனைத்து மகளிர் போலீசார் மீண்டும் கைது செய்து பாளையங்கோட்டை மத்திய சிறையில் அடைத்தனர்.
நேற்று முன்தினம் வழக்கு விசாரணைக்காக வினோத்குமாரை போலீசார் தென்காசி கோர்ட்டில் ஆஜர்படுத்த அழைத்து வந்தனர். அப்போது அங்கு வந்த தந்தை மாடசாமியிடம் வினோத்குமார் பேசினார். அப்போது அவர், ‘‘தொலைபேசியில் பேசுவதற்கு பணம் இல்லை, ஆயிரம் ரூபாயை அனுப்பி வையுங்கள்’’ என கூறியுள்ளார். கோர்ட்டில் ஆஜர்படுத்தப்பட்ட பின்னர் வினோத்குமாரை மீண்டும் சிறையில் போலீசார் அடைத்தனர்.
இந்த நிலையில் பாளையங்கோட்டை மத்திய சிறை வளாகத்தில் வினோத்குமார் நேற்று திடீரென்று தூக்குப்போட்டு தற்கொலைக்கு முயன்றதாக கூறப்படுகிறது. உடனே அவரை சிறை காவலர்கள் மீட்டு சிகிச்சைக்காக பாளையங்கோட்டை ஐகிரவுண்டு அரசு மருத்துவமனைக்கு கொண்டு சென்றனர். ஆனால் அங்கு அவரை பரிசோதித்த டாக்டர்கள் ஏற்கனவே வினோத்குமார் இறந்து விட்டதாக தெரிவித்தனர்.
இதுகுறித்து பெருமாள்புரம் போலீஸ் இன்ஸ்பெக்டர் செல்வகுமார் வழக்குப்பதிவு செய்து, வினோத்குமார் தற்கொலை செய்து கொண்டு ஏன்? அவர் எப்படி இறந்தார்? என்பது குறித்து விசாரணை நடத்தி வருகிறார். பாளையங்கோட்டை மத்திய சிறையில் போக்சோ கைதி தூக்குப்போட்டு தற்கொலை செய்த சம்பவம் பெரும் பரபரப்பை ஏற்படுத்தியது.
மக்கள் கருத்து
மேலும் தொடரும் செய்திகள்

நடைபயிற்சிக்கு சென்ற ஆசிரியர் வெட்டிக் கொலை: சிறுவன் உட்பட 2பேர் வெறிச்செயல்!
ஞாயிறு 30, நவம்பர் 2025 10:25:37 AM (IST)

நெல்லையில் தொடர் மழையால் மூழ்கிய பயிர்கள் : லட்சக்கணக்கில் சேதம் - விவசாயிகள் வேதனை!
சனி 29, நவம்பர் 2025 4:15:15 PM (IST)

பொங்கல் பரிசாக ரூ.5 ஆயிரம் வழங்க வேண்டும் : அரசுக்கு நயினார் நாகேந்திரன் வேண்டுகோள்
வெள்ளி 28, நவம்பர் 2025 12:16:08 PM (IST)

கருமேனியாறு நீர்த்தேக்கத்திலிருந்து தண்ணீர் திறந்து வைத்தார் சபாநாயகர் மு.அப்பாவு..!
வெள்ளி 28, நவம்பர் 2025 11:28:14 AM (IST)

தடை செய்யப்பட்ட புகையிலை பொருட்களை கடத்தி வந்த வாலிபர் கைது
வெள்ளி 28, நவம்பர் 2025 8:38:33 AM (IST)

தென்காசியில் உதயநிதி ஸ்டாலின் பிறந்தநாள் விழா : திமுக வழக்கறிஞர்கள் கொண்டாட்டம்!
வெள்ளி 28, நவம்பர் 2025 7:52:04 AM (IST)




