கனமழையில் வ.உ.சிதம்பரனார் மணிமண்டப சுற்றுச்சுவர் சேதம்: தற்காலிகமாக சீரமைப்பு!

திருநெல்வேலியில் கனமழையின் காரணமாக சேதமடைந்த கப்பலோட்டிய தமிழன் வ.உ.சிதம்பரனார் மணிமண்டப சுற்றுச்சுவர் தற்காலிகமாக சரிசெய்யப்பட்டது.

திருநெல்வேலி டவுணில் செய்தி மக்கள் தொடர்புத்துறையின் கட்டுப்பாட்டிலுள்ள கப்பலோட்டிய தமிழன் வ.உ.சிதம்பரனார் மணிமண்டப மேல்பகுதியிலுள்ள சுற்றுச்சுவர் பகுதியளவு கடந்த சில நாட்களாக பெய்த கனமழையின் காரணமாக சேதமடைந்த சுற்றுச்சுவர் தற்காலிகமாக சரிசெய்யப்பட்டுள்ளது.

நமது நாட்டின் விடுதலைக்காக சொத்து சுகங்களையும், சொந்த பந்தங்களையும் இழந்து போராட்டக் களத்தில் இன்னுயிர் ஈந்த தியாகிகள் ஏராளம். அப்படிப் போராடிய தியாகச் செம்மல்தான் கப்பலோட்டிய தமிழன் வ.உ.சிதம்பரனார் அவர்களை கௌரவிக்கும் வகையில் தமிழ்நாடு அரசின் சார்பில் செய்தி மக்கள் தொடர்புத்துறையின் கட்டுப்பாட்டிலுள்ள கப்பலோட்டிய தமிழன் வ.உ.சிதம்பரனார் மணிமண்டபம் கட்டப்பட்டு, பராமரிக்கப்பட்டு வருகிறது.

கடந்த சில நாட்களாக திருநெல்வேலி மாவட்டத்தில் பெய்த கனமழை காரணமாக உ.சிதம்பரனார் மணிமண்டப மேல்பகுதியிலுள்ள சுற்றுச்சுவர் பகுதியளவு சேதமடைந்தது. இதுகுறித்து மாவட்ட ஆட்சியர் இரா.சுகுமார், பார்வைக்கு எடுத்துச்செல்லப்பட்டு, போர்க்கால அடிப்படையாக அந்த சுற்றுச்சுவர் பகுதியினை பாதுகாப்பு நலன் கருதி தற்காலிகமாக தகரம் வைத்து அடைக்கப்பட்டுள்ளது.

மேலும், பொதுப்பணித்துறையின் மூலம் திட்ட மதிப்பீடு தயார் செய்யப்பட்டு, ஒப்புதல் பெறப்பட்டு மழைக்காலம் முடிவடைந்தவுடன் சுற்றுச்சுவர் கட்டுவதற்கான பணிகள் தொடங்கப்படும் என தெரிவிக்கப்பட்டுள்ளது.