நெல்லை அரசு பாலிடெக்னிக் கல்லூரிக்கு முன்னாள் மாணவர்கள் ரூ.2 இலட்சம் நன்கொடை!

நெல்லை அரசு பாலிடெக்னிக் கல்லூரியினை மேம்படுத்துவதற்கு முன்னாள் மாணவர்கள் ரூ.2 இலட்சம் மதிப்பிலான பல்வேறு உபகரணங்களை நன்கொடையாக வழங்கினர்.

திருநெல்வேலி மாவட்டம் கொங்கந்தான் பாறை திருவனந்தபுரம் தேசிய நெடுஞ்சாலையில் இயங்கி வரும் IRT பாலிடெக்னிக் கல்லூரியில் முன்னாள் மாணவர் சங்கக் கூடுகை மற்றும் வெள்ளி விழா நடைபெற்றது. (1997-2000)-ம் ஆண்டு இக்கல்லூரியில் பட்டப் படிப்பை முடித்த 120 மாணவர்களில் 50 முன்னாள் மாணவ மாணவியர் குடும்பத்துடன் கலந்து கொண்டு வெள்ளி விழாவை கொண்டாடினர். இவர்களுடன் (1992-1995)-ம் ஆண்டு இக்கல்லூரியில் படித்து பட்டம் பெற்ற முதல் குழு மாணவ மாணவியர்களும் இணைந்து கொண்டு தங்கள் கடந்த கால கல்லூரி அனுபவங்கள் சுவாரஸ்யமான நிகழ்வுகளை மலரும் நினைவுகளாக பகிர்ந்து கொண்டு மகிழ்ந்தனர்.

கல்லூரிக்கு பெருமை சேர்க்கும் வகையில் முன்னாள் மாணவர்களில் பெரும்பாலர் Ashok Leyland, L&T, Johnson lift, Bion, DCW, TVS போன்ற தனியார் நிறுவனங்களில் உயர்பதவி வகிக்கின்றனர். சிலர் மேற்படிப்பு பயின்று தமிழ்நாடு மின்சார வாரியம், ரயில்வே, ONGC போன்ற அரசு நிறுவனங்களில் பணியாற்றி வருகின்றனர். ஒரு சிலர் தொழில் முனைவோராக சாதனை படைத்து வருகின்றனர்.

விழாவில் கலந்து கொண்ட முன்னாள் மாணவர்கள் இந்த கல்லூரியின் நலனுக்காகவும் இங்கு பயிலும் மாணவ மாணவியரின் பயன்பாட்டுக்காகவும் R.O systems, PA systems, LCD projector, furniture, Computers, printers, oscilloscope என சுமார் ரூ.2 இலட்சம் மதிப்பிலான பல்வேறு உபகரணங்களை நன்கொடையாக கல்லூரியின் வளர்ச்சிக்காக வழங்கினார்கள்.

கல்லூரி முதல்வர் மார்ஜரி தியோடர் தலைமை வகித்தார். சிறப்பு விருந்தினராக தமிழ்நாடு மின்சார வாரியத் துறையில் உதவி இயக்குனர், கல்லூரியின் முன்னாள் பேராசிரியர் ஸ்டீபன் இம்மானுவேல் கலந்து கொண்டார்கள்.

இவ்விழாவில், ரமேஸ் குமார், பேராசிரியர் மாணிக்கவாசகம், பேராசிரியை சகாய வினிபிரெட் ரஜினி ஆகியோர் வாழ்த்துரை வழங்கினர். ஓய்வு பெற்ற பேராசிரியர் திரு தங்கவேல் மற்றும் அலுவலர்களும் கலந்து கொண்டனர். விழாவின் அனைத்து ஏற்பாடுகளையும் மாணவர் சங்க செயலாளர் சேது ராமலிங்கம், இணை செயலாளர் விஜய பாஸு ஆகியோர் மேற்கொண்டார்கள்.