தூத்துக்குடியில் தேர்தல் பறக்கும் படையினர் அதிரடி சோதனை: காரில் ரூ.4.50 லட்சம் பறிமுதல்!

தூத்துக்குடி ரோச் பூங்கா அருகில் தோட்டக்கலைத் துறை அலுவலர் சிவகுருநாதன் தலைமையிலான பறக்கும் படை குழுவினர் வாகன சோதனையில் ஈடுபட்டனர். அப்போது, அந்த வழியாக வந்த காரை நிறுத்தி அதிகாரிகள் சோதனையிட்டனர். காரில் வந்த தூத்துக்குடியைச் சேர்ந்த விஜயராகவன் என்பவர், உரிய ஆவணங்களின்றி 56,580 ரூபாய் பணத்தை வைத்திருந்தது தெரியவந்தது. கணக்கில் வராத அந்தப் பணத்தை அதிகாரிகள் உடனடியாகப் பறிமுதல் செய்தனர்.

பறிமுதல் செய்யப்பட்ட பணத்தை, தூத்துக்குடி உதவி தேர்தல் நடத்தும் அலுவலரும், வட்டாட்சியருமான திருமணி ஸ்டாலினிடம் பறக்கும் படை அதிகாரிகள் ஒப்படைத்தனர். இந்த நிகழ்வின் போது, தூத்துக்குடி தேர்தல் துணை வட்டாட்சியர் ஜெயகிருஷ்ணன் மற்றும் வட்டாட்சியர் அலுவலக அதிகாரிகள் உடனிருந்தனர்.