நாகர்கோவில் - கோட்டையம் இருமார்க்கங்களிலும் ரயில் இயக்க குமரி பயணிகள் சங்கம் கோரிக்கை!

» செய்திகள் - விளையாட்டு » தமிழகம்

நாகர்கோவில் - கோட்டையம் இருமார்க்கங்களிலும் ரயில் இயக்க குமரி பயணிகள் சங்கம் கோரிக்கை!

ஞாயிறு 23, ஆகஸ்ட் 2026 8:06:13 PM (IST)

நாகர்கோவில் - கோட்டையம் இடையே இயக்கப்பட்டு வரும் பகல்நேரப் பயணிகள் ரயிலை இருமார்க்கத்திலும் இயக்க வேண்டுமென குமரி மாவட்ட ரயில் பயணிகள் சங்கம் தென்னக ரயில்வேக்குக் கோரிக்கை விடுத்துள்ளது.

நாகர்கோவிலிருந்து திருவனந்தபுரம் வழியாக கோட்டையத்திற்கு இயக்கப்படும் இந்த ரயில் (232 கி.மீ.), குறைந்த கட்டணத்தில் கேரளா செல்லும் மக்களுக்குப் பெரிதும் பயனுள்ளதாக உள்ளது. கோட்டையம் சென்றடையும் இந்த ரயில், மறுமார்க்கமாக மீண்டும் நாகர்கோவிலுக்குத் திரும்புவதில்லை. இந்திய ரயில்வேயிலேயே இது போன்ற ஒருமுனை இயக்கம் மிக அரிதான ஒன்றாகும்.

கோவிட் பெருந்தொற்றுக்குப் பிறகு பயணிகள் ரயில்கள் எக்ஸ்பிரஸ் கட்டணத்திற்கு உயர்த்தப்பட்டு, பல நிறுத்தங்களும் ரத்து செய்யப்பட்டுள்ளதால் பயணிகள் சிரமத்திற்கு ஆளாகியுள்ளனர். நாகர்கோவில் - கோட்டையம் ரயிலை இருமார்க்கத்திலும் இயக்க வேண்டும்.

கோட்டையத்திலிருந்து காலை 8:00 மணிக்குப் புறப்பட்டு, மதியம் 4:00 மணிக்கு நாகர்கோவில் வந்து சேருமாறு கால அட்டவணையை அமைக்கலாம். (நாகர்கோவில் ரயில் நிலைய நடைமேடை 1A-வில் திருவனந்தபுரம் மார்க்கத்து ரயில்களை எளிதாகக் கையாள முடியும்).

திருவாரூர் வரை நீட்டிக்கப் பரிந்துரை:

இரயிலை மேலும் பயனுள்ளதாக்க திருவாரூர் - நாகர்கோவில் - எர்ணாகுளம் வழித்தடத்தில் நீட்டிக்க வலியுறுத்தப்பட்டுள்ளது.

செல்லும் வழித்தடம்: திருநெல்வேலி, விருதுநகர், மானாமதுரை, காரைக்குடி, பட்டுக்கோட்டை, திருத்துறைப்பூண்டி.

முன்மொழியப்பட்ட நேரம்:

திருவாரூர் ➔ எர்ணாகுளம்: திருவாரூரில் காலை 5:00 மணிக்கு புறப்பட்டு, மதியம் 1:00 மணிக்கு நாகர்கோவில் வந்து, இரவு 9:30 மணிக்கு எர்ணாகுளம் சென்றடைதல்.

எர்ணாகுளம் ➔ திருவாரூர்: எர்ணாகுளத்திலிருந்து காலை 7:00 மணிக்கு புறப்பட்டு, மதியம் 2:00 மணிக்கு நாகர்கோவில் வந்து, இரவு 10:30 மணிக்குத் திருவாரூர் சென்றடைதல்.

இக்கோரிக்கைகளை உடனடியாக நிறைவேற்ற வேண்டும் என குமரி மாவட்ட ரயில் பயணிகள் சங்கம் கோரிக்கை விடுத்துள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

நாகர்கோவில் - கோட்டையம் இருமார்க்கங்களிலும் ரயில் இயக்க குமரி பயணிகள் சங்கம் கோரிக்கை!

» செய்திகள் - விளையாட்டு » தமிழகம்