கொளத்தூரில் த.வெ.க. வெற்றியை எதிர்த்து ஸ்டாலின் வழக்கு: அடுத்த வாரம் விசாரணை!

» செய்திகள் - விளையாட்டு » தமிழகம்

கொளத்தூரில் த.வெ.க. வெற்றியை எதிர்த்து ஸ்டாலின் வழக்கு: அடுத்த வாரம் விசாரணை!

செவ்வாய் 25, ஆகஸ்ட் 2026 5:02:57 PM (IST)

சென்னை கொளத்தூர் தொகுதியில் தமிழக வெற்றிக் கழக வேட்பாளர் வி.எஸ்.பாபு வெற்றி பெற்றதைச் செல்லாது என அறிவிக்கக் கோரி, திமுக தலைவரும் முன்னாள் முதலமைச்சருமான மு.க.ஸ்டாலின் தொடர்ந்த வழக்கு அடுத்த வாரம் திங்கள் அல்லது செவ்வாய்க்கிழமை விசாரணைக்கு எடுத்துக்கொள்ளப்படும் என சென்னை உயர்நீதிமன்றம் தெரிவித்துள்ளது.

நடந்து முடிந்த தமிழக சட்டமன்றத் தேர்தலில் கொளத்தூர் தொகுதியில் த.வெ.க. வேட்பாளர் வி.எஸ்.பாபு வெற்றி பெற்றதாக அறிவிக்கப்பட்டது. இத்தொகுதியில் போட்டியிட்டு இரண்டாவது இடத்தைப் பிடித்த முன்னாள் முதலமைச்சர் மு.க.ஸ்டாலின் அளித்த விண்ணப்பத்தை ஏற்று, 14 வாக்குப்பதிவு இயந்திரங்கள் மற்றும் ஒப்புகைச் சீட்டு இயந்திரங்கள் சரிபார்க்கப்பட்டன.

அப்போது வாக்குப்பதிவில் முறைகேடுகள் நடந்ததாகக் கூறி, முன்னாள் முதலமைச்சர் மு.க.ஸ்டாலின் தரப்பில் சென்னை உயர்நீதிமன்றத்தில் தேர்தல் வழக்குத் தாக்கல் செய்யப்பட்டுள்ளது.

மு.க.ஸ்டாலின் தாக்கல் செய்துள்ள மனுவில் குறிப்பிடப்பட்டுள்ள முக்கிய அம்சங்கள்: கொளத்தூர் தொகுதியில் முறைகேடுகள் நடந்துள்ளதால், அனைத்து வாக்குப்பதிவு இயந்திரங்கள் மற்றும் வி.வி.பேட் (VVPAT) சீட்டுகளையும் மீண்டும் சரிபார்க்க உத்தரவிட வேண்டும்.

த.வெ.க. சட்டமன்ற உறுப்பினர் வி.எஸ்.பாபு வெற்றி பெற்றதைச் செல்லாது என அறிவிக்க வேண்டும். கொளத்தூர் தொகுதியில் தன்னை வெற்றி பெற்றவராக அறிவிக்க வேண்டும்.

இந்த வழக்கை அவசர வழக்காக விசாரணைக்கு எடுக்க வேண்டும் எனச் தலைமை நீதிபதி ஸ்ரீராம் அரவிந்த் தர்மாதிகாரி மற்றும் நீதிபதி அருள் முருகன் ஆகியோர் அடங்கிய அமர்வு முன்பாக மூத்த வழக்கறிஞர் ஜெ.ரவீந்திரன் முறையிட்டார்.

இம்முறையீட்டை ஏற்றுக்கொண்ட நீதிபதிகள், வழக்கின் விசாரணையை வரும் திங்கட்கிழமை அல்லது செவ்வாய்க்கிழமை அன்று எடுத்துக்கொள்வதாகத் தெரிவித்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

கொளத்தூரில் த.வெ.க. வெற்றியை எதிர்த்து ஸ்டாலின் வழக்கு: அடுத்த வாரம் விசாரணை!

» செய்திகள் - விளையாட்டு » தமிழகம்