ஆகஸ்ட் 15 ‘இந்திய சுதந்திர நாள்’: அமெரிக்காவின் நியூயார்க், நியூ ஜெர்சி மாநிலங்கள் பிரகடனம்!

» செய்திகள் - விளையாட்டு » உலகம்

ஆகஸ்ட் 15 ‘இந்திய சுதந்திர நாள்’: அமெரிக்காவின் நியூயார்க், நியூ ஜெர்சி மாநிலங்கள் பிரகடனம்!

புதன் 12, ஆகஸ்ட் 2026 5:41:11 PM (IST)

இந்தியாவின் 80-வது சுதந்திர தினத்தைக் கொண்டாடும் வகையில், ஆகஸ்ட் 15-ஆம் நாளை ‘இந்திய சுதந்திர நாள்’ என அமெரிக்காவின் நியூயார்க் மற்றும் நியூ ஜெர்சி ஆகிய இரு முக்கிய மாநிலங்கள் அதிகாரப்பூர்வமாகப் பிரகடனம் செய்துள்ளன.

இந்தியாவின் சுதந்திரப் போராட்டம், சுதந்திர நாடாக இந்தியாவின் வளர்ச்சி மற்றும் அமெரிக்காவில் வாழும் இந்திய-அமெரிக்கச் சமூகத்தினரின் முக்கிய பங்களிப்புகளை அங்கீகரிக்கும் வகையில் இந்த அறிவிப்பு வெளியிடப்பட்டுள்ளது.

நியூயார்க் ஆளுநர் கேத்தி ஹோச்சுல் மற்றும் நியூ ஜெர்சி ஆளுநர் மிக்கி ஷெரில் ஆகியோர் இந்த அதிகாரப்பூர்வ பிரகடனத்தை வெளியிட்டிருப்பதாக நியூயார்க்கில் உள்ள இந்தியத் தூதரகம் தனது 'எக்ஸ்' (X) தளத்தில் உறுதிப்படுத்தியுள்ளது. இந்தியா-அமெரிக்கா இடையிலான நீண்டகால நட்புறவை போற்றும் வகையில் இந்த அறிவிப்பை வெளியிட்ட இரு மாநில ஆளுநர்களுக்கும் தூதரகம் நன்றி தெரிவித்துள்ளது.

நியூயார்க் மற்றும் நியூ ஜெர்சியில் அதிகளவிலான இந்திய வம்சாவளியினர் வசித்து வரும் நிலையில், அங்குள்ள அவர்களின் கலாச்சார மற்றும் சமூக பங்களிப்புகளுக்கு இந்த அறிவிப்பு பெருமை சேர்த்துள்ளது. இதற்கு முன்னதாக அமெரிக்காவின் மாசசூசெட்ஸ் ஆளுநர் மவுரா ஹீலி மற்றும் பாஸ்டன் மேயர் மிஷெல் வூ ஆகியோரும் ஆகஸ்ட் 15-ஆம் தேதியை ‘இந்தியா தினம்’ என அறிவித்திருந்தது குறிப்பிடத்தக்கது.

அமெரிக்காவில் சுமார் 54 லட்சம் இந்திய வம்சாவளியினர் வசித்து வருகின்றனர். அங்குள்ள ஆசிய இனக்குழுக்களில் இவர்கள் 3-வது பெரிய குழுவாக உள்ளனர். அமெரிக்காவில் உள்ள பல்வேறு மாநில அரசுகளும் உள்ளூர் நிர்வாகங்களும் இந்திய சுதந்திர தின கொண்டாட்டங்களை அதிகாரப்பூர்வமாக அங்கீகரித்து ஆண்டுதோறும் இத்தகைய பிரகடனங்களை வெளியிட்டு வருகின்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஆகஸ்ட் 15 ‘இந்திய சுதந்திர நாள்’: அமெரிக்காவின் நியூயார்க், நியூ ஜெர்சி மாநிலங்கள் பிரகடனம்!

» செய்திகள் - விளையாட்டு » உலகம்