கினியாவில் கனமழையால் குப்பை மலை சரிந்து 30 பேர் உயிரிழப்பு!

» செய்திகள் - விளையாட்டு » உலகம்

கினியாவில் கனமழையால் குப்பை மலை சரிந்து 30 பேர் உயிரிழப்பு!

செவ்வாய் 25, ஆகஸ்ட் 2026 4:45:05 PM (IST)

மேற்கு ஆப்பிரிக்க நாடான கினியாவில் கொட்டித் தீர்த்த கனமழையால் குப்பை மலை சரிந்து குடியிருப்புகள் மீது விழுந்ததில் 30 பேர் பரிதாபமாக உயிரிழந்தனர்.

கினியா நாட்டின் தலைநகர் கொனாக்ரியில் 'டார் எஸ் சலாம்' என்கிற மிகப்பெரிய குப்பைக்கிடங்கு அமைந்துள்ளது. இங்குப் பல லட்சம் டன் குப்பைகள் மலைபோல் குவிக்கப்பட்டு இருந்தன. இந்தக் குப்பைக்கிடங்கு அதனைச் சுற்றியுள்ள பகுதியில் வசிக்கும் மக்களுக்குப் பெரும் அச்சுறுத்தலாக இருந்து வந்தது.

இதனால் குப்பைக்கிடங்கை மூடி, குப்பைகளை வேறு இடத்திற்கு மாற்ற அரசு நடவடிக்கை எடுத்து வந்தது. இதன் அடிப்படையில் நேற்று முன்தினம் அந்த மிகப்பெரிய குப்பைக்கிடங்கு மூடப்பட இருந்தது. இந்தச் சூழலில், கொனாக்ரியில் கொட்டித் தீர்த்த கனமழையின் காரணமாகக் குப்பைக்கிடங்கில் இருந்த குப்பை மலை திடீரெனச் சரிந்து விழுந்தது.

அதிகாலையில் எதிர்பாராதவிதமாக நிகழ்ந்த இந்த விபத்தால், வீடுகளில் தூங்கிக் கொண்டிருந்த மக்கள் தூக்கத்திலேயே குப்பை இடிபாடுகளுக்குள் சிக்கி பரிதாபமாக உயிரிழந்தனர். இடிபாடுகளில் சிக்கியவர்களை மீட்கும் பணிகள் தீவிரமாக நடைபெற்று வரும் நிலையில், இதுவரை 30 பேரின் சடலங்கள் மீட்கப்பட்டுள்ளன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

எச்-1பி விசா கட்டணம் 98 லட்சமாக அதிகரிக்கத் திட்டம்: அமெரிக்க அதிபருக்குப் பரிந்துரை!

கினியாவில் கனமழையால் குப்பை மலை சரிந்து 30 பேர் உயிரிழப்பு!

» செய்திகள் - விளையாட்டு » உலகம்