வேளாங்கண்ணி மாதா பேராலய திருவிழாவை முன்னிட்டு 3 சிறப்பு ரயில்கள் அறிவிப்பு!

» செய்திகள் - விளையாட்டு » தமிழகம்

வேளாங்கண்ணி மாதா பேராலய திருவிழாவை முன்னிட்டு 3 சிறப்பு ரயில்கள் அறிவிப்பு!

திங்கள் 18, ஆகஸ்ட் 2025 5:10:10 PM (IST)

வேளாங்கண்ணி மாதா பேராலய திருவிழாவையொட்டி 3 சிறப்பு ரயில்களை தெற்கு ரயில்வே அறிவித்துள்ளது.

அதன்படி, எர்ணாகுளம் சந்திப்பு - வேளாங்கண்ணி வாராந்திர விரைவு ரயில் (06061) ஆகஸ்ட் 27, செப்டம்பர் 3 மற்றும் 10 ஆகிய தேதிகளில் இரவு 11.50 மணிக்கு எர்ணாகுளத்தில் இருந்து புறப்பட்டு மறுநாள் பிற்பகல் 3.15 மணிக்கு வேளாங்கண்ணியை சென்றடையும்.

மறுமார்க்கத்தில் வேளாங்கண்ணி - எர்ணாகுளம் வாராந்திர விரைவு ரயில் (06062) ஆகஸ்ட் 28, செப்டம்பர் 4 மற்றும் 11 ஆகிய தேதிகளில் மாலை 6.40 மணிக்கு வேளாங்கண்ணியில் இருந்து புறப்பட்டு மறுநாள் காலை 11.55 மணிக்கு எர்ணாகுளத்தைச் சென்றடையும்.

இந்த ரயில் கொல்லம், புனலூர், தென்மலை, செங்கோட்டை, ராஜபாளையம், சிவகாசி, விருதுநகர், மானாமதுரை, பட்டுக்கோட்டை, திருவாரூர், நாகப்பட்டினம் வழியாகச் செல்லும்.

இதேபோல திருவனந்தபுரம் - வேளாங்கண்ணி வாராந்திர ரயில்(06115) ஆக. 27, செப். 3 ஆகிய தேதிகளில் பிற்பகல் 3.25 மணிக்கு திருவனந்தபுரத்தில் இருந்து புறப்பட்டு மறுநாள் அதிகாலை 3.55 மணிக்கு வேளாங்கண்ணியை சென்றடையும்.

வேளாங்கண்ணியில் இருந்து(06116) ஆக. 28. செப். 4 ஆகிய தேதிகளில் இரவு 7.30 மணிக்குப் புறப்படும் ரயில் மறுநாள் அதிகாலை 6.55 மணிக்கு திருவனந்தபுரத்தை அடையும்.

அடுத்து சென்னை எழும்பூரில் இருந்து வேளாங்கண்ணிக்கு சிறப்பு ரயில் இயக்கப்படுகிறது. ஆக. 28, செப். 4, 11 ஆகிய தேதிகளில் எழும்பூரிலிருந்து இரவு 11.40 மணிக்கு புறப்படும் ரயில் மறுநாள் காலை 7.35 மணிக்கு வேளாங்கண்ணியை சென்றடையும்.

வேளாங்கண்ணியில் இருந்து ஆக. 29, செப். 5, 12 ஆகிய தேதிகளில் வேளாங்கண்ணியில் இருந்து இரவு 11 மணிக்குப் புறப்படும் ரயில் மறுநாள் காலை 7.30 மணி தாம்பரம் வந்தடையும் என தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

வேளாங்கண்ணி மாதா பேராலய திருவிழாவை முன்னிட்டு 3 சிறப்பு ரயில்கள் அறிவிப்பு!

» செய்திகள் - விளையாட்டு » தமிழகம்