இளைஞர் நீதிக்குழுத்தில் சமூகப்பணி உறுப்பினர் நியமனம் : விண்ணப்பங்கள் வரவேற்பு

இதுகுறித்து மாவட்ட ஆட்சியர் க.இளம்பகவத் வெளியிட்ட செய்திக்குறிப்பில், "2015ம் ஆண்டின் இளைஞர் நீதி (குழந்தைகள் பராமரிப்பு மற்றும் பாதுகாப்பு) சட்டம் மற்றும் விதிமுறைகளின்படி தூத்துக்குடி மாவட்டத்தில் அமைக்கப்பட்டுள்ள இளைஞர் நீதிக்குழுத்தில் காலியாக உள்ள் 2 சமூகப்பணி உறுப்பினர் நியமிக்கப்படுவதற்காக கீழே குறிப்பிடப்பட்டுள்ள தகுதிகளைக் கொண்ட தகுதிவாய்ந்த நபர்களிடமிருந்து விண்ணப்பங்கள் வரவேற்கப்படுகின்றன. 

இளைஞர் நீதிக்குழுமத்திற்கு 1 பெண் உட்பட 2 சமூகப்பணி உறுப்பினர் அரசால் மதிப்பூதிய அடிப்படையில் நியமிக்கப்பட உள்ளது மற்றும் இப்பதவி அரசு பணியல்ல.

விண்ணப்பதாரர்கள் குழந்தைகள் தொடர்பான உடல் நலம், கல்வி அல்லது குழந்தைகளுக்கான நலப்பணிகளில் குறைந்தது 7 ஆண்டுகள் முனைப்புடன் ஈடுபாடு கொண்டவராக இருத்தல் வேண்டும் அல்லது குழந்தை உளவியல் அல்லது மன நலம் மருத்துவம், சமூகவியல் அல்லது சட்டம் ஆகியவற்றில் ஏதேனும் பட்டம் பெற்று தொழில் புரிபவராக இருத்தல் வேண்டும். மேலும் பத்திரிகை செய்தி வெளியிடும் நாளில் , விண்ணப்பதாரர்கள் 35 வயதுக்கு குறையாதவராகவும், 65 வயதைப் பூர்த்தி செய்யாதவராகவும் இருத்தல் வேண்டும். 

இதற்கான விண்ணப்படிவத்தை தூத்துக்குடி மாவட்ட குழந்தைகள் பாதுகாப்பு அலகிலிருந்து பெற்றுக் கொள்ளலாம் அல்லது துறை சார்ந்த இணையத்தள முகவரியிருந்தும் (http://dsdcpimms.tn.gov.in) மற்றும் தூத்துக்குடி மாவட்ட இணையதளத்திலும் (https://thoothukudi.nic.in) விண்ணப்பதாரர் பதிவிறக்கம் செய்து கொள்ளலாம். மேலும் தகுதி வாய்ந்த நபர்கள் சமூகப்பணி உறுப்பினர் பதவிக்கு அதற்கான அமைந்த படிவத்தில் பூர்த்தி செய்து 15.09.2025 (திங்கட்கிழமை) அன்று மாலை 5.00 மணிக்குள் இயக்குநர், குழந்தைகள் நலன் மற்றும் சிறப்புச் சேவைகள் துறை, எண்: 300, புரசைவாக்கம் நெடுஞ்சாலை, சென்னை – 600 010 என்ற முகவரியில் கிடைக்கப்பெறுமாறு விண்ணப்பிக்கலாம். 

பூர்த்தி செய்யப்பட்ட விண்ணப்பங்கள் குறிப்பிட்ட காலக்கெடுவுக்குள் அலுவலகத்திற்கு வந்து சேரவேண்டும். தகுதி மற்றும் அனுபவத்தின் அடிப்படையில் நியமனம் அமையும். இது குறித்து அரசின் முடிவே இறுதியானது என மாவட்ட ஆட்சியர் க.இளம்பகவத் தெரிவித்துள்ளார்.