பான் மசாலா விளம்பர விவகாரம்: ஷாருக் கான் உள்பட 3 பாலிவுட் நடிகர்களுக்கு எஃப்டிஏ கெடு!

» செய்திகள் - விளையாட்டு » இந்தியா

பான் மசாலா விளம்பர விவகாரம்: ஷாருக் கான் உள்பட 3 பாலிவுட் நடிகர்களுக்கு எஃப்டிஏ கெடு!

வியாழன் 27, ஆகஸ்ட் 2026 5:18:56 PM (IST)

பான் மசாலா விளம்பரத்தில் நடித்த பாலிவுட் நடிகர்கள் ஷாருக் கான், அஜய் தேவ்கன் மற்றும் டைகர் ஷெராப் ஆகியோருக்கு மகாராஷ்டிர உணவு மற்றும் மருந்து நிர்வாக ஆணையம் (FDA) நோட்டீஸ் அனுப்பியிருந்த நிலையில், மூவரும் இதுவரை பதிலளிக்கவில்லை.

தடை செய்யப்பட்ட பான் மசாலா மற்றும் புகையிலைப் பொருட்கள் பயன்பாட்டை மறைமுகமாக ஊக்குவிப்பதாகக் குற்றஞ்சாட்டி, மூவருக்கும் எஃப்டிஏ (FDA) கடந்த 11-ஆம் தேதி நோட்டீஸ் அனுப்பியது. அதில், "நடிகர்கள் ஷாருக் கான், அஜய் தேவ்கன் மற்றும் டைகர் ஷெராப் ஆகியோர் நடித்த விளம்பரத்தில் குறிப்பிடப்பட்ட 'விமல் ஏலக்காய்' என்ற வாசகம், 'விமல் பான் மசாலா' நிறுவனத்துடன் தொடர்புடையது.

பான் மசாலா மற்றும் புகையிலைப் பொருட்கள் தடை செய்யப்பட்டுள்ள நிலையில், இந்த விளம்பரம் மூலம் அதன் பயன்பாடு நுகர்வோரிடம் மறைமுகமாகக் கொண்டு செல்லப்பட்டுள்ளது. விளம்பரத்தில் நடித்த மூன்று நடிகர்களும் அந்த நிறுவனத்தின் விளம்பரத் தூதர்களாகவும் உள்ளதால், உணவுப் பாதுகாப்பு மற்றும் தரநிலைகள் சட்டம் 2006-ன் கீழ் அவர்களுக்கு நோட்டீஸ் மூலம் இறுதி எச்சரிக்கை விடுக்கப்படுகிறது.

அதன்படி, விமல் பான் மசாலா நிறுவனத்துடனான ஒப்பந்தங்களை உடனடியாகத் துண்டித்துக் கொள்வதோடு, சமூக வலைதளங்கள் மற்றும் பிற தளங்களில் அது தொடர்பான விளம்பரங்களை உடனடியாக நீக்க வேண்டும். இந்த விளம்பரங்களில் நடித்தது தொடர்பாக உரிய ஆவணங்களுடன் நடிகர்கள் மூவரும் 15 நாட்களுக்குள் விளக்கமளிக்க வேண்டும்” என அறிவுறுத்தப்பட்டிருந்தது.

ஆணையர் பேட்டி:

இந்நிலையில், மும்பையில் செய்தியாளர்களுக்குப் பேட்டியளித்த மகாராஷ்டிர உணவு, மருந்து நிர்வாக ஆணையர் துகாராம் முண்டே, "எஃப்டிஏவின் நோட்டீஸ்க்கு மூன்று நடிகர்களும் இதுவரை பதிலளிக்கவில்லை. உணவுப் பொருட்கள் தொடர்பாக நாளிதழ், தொலைக்காட்சி அல்லது சமூக ஊடகங்களில் வெளியிடப்படும் அனைத்து விளம்பரங்களும் எங்களின் கண்காணிப்பில் உள்ளன. அவற்றில் விதிமீறல் உள்ளதா என ஆய்வு மேற்கொள்கிறோம்.

பரிந்துரைக்கப்பட்ட தரநிலைகள் பின்பற்றப்படாவிட்டால், சம்பந்தப்பட்ட உணவு வர்த்தக நிறுவனங்கள் மீது நடவடிக்கை எடுக்கப்படும். எஃப்டிஏ வலைதளம் வாயிலாகப் பொதுமக்களும் புகார்களைப் பதிவு செய்யலாம்” என்றார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பான் மசாலா விளம்பர விவகாரம்: ஷாருக் கான் உள்பட 3 பாலிவுட் நடிகர்களுக்கு எஃப்டிஏ கெடு!

» செய்திகள் - விளையாட்டு » இந்தியா