தூத்துக்குடி தருவை மைதானத்தில் கோனோகார்பஸ் மரங்கள் வெட்டி அகற்றம்

தூத்துக்குடி தருவை விளையாட்டு மைதானத்தில் தமிழக அரசால் தடை செய்யப்பட்ட 12 கோனோகார்பஸ் மரங்கள் வெட்டி அகற்றப்பட்டன. 

தூத்துக்குடி தருவை விளையாட்டு மைதானத்தில் தினமும் காலை, மாலை வேளைகளில் ஏராளமானோர் வாக்கிங் செல்கிறார்கள். மேலும் பல்வேறு வகையான விளையாட்டுப் போட்டிகளும் நடந்து வருகிறது. இந்த மைதானத்தில் சுற்றுச்சூழல், மனித உடல்நலத்துக்கு கேடு உருவாக்கக்கூடிய கோனோகார்பஸ் (conocorpus) வகை மரங்கள் அதிக அளவு வளர்ந்து இருந்தது. இந்த மரங்களை அகற்றக்கோரி மைதானத்திற்குள் வாக்கிங் வருபவர்களும் விளையாட்டு வீரர்களும் மரங்களை வெட்டி அகற்ற வேண்டும் என்று கோரிக்கை விடுத்து வந்தனர் 

இதைத் தொடர்ந்து ஆல் கேன் டிரஸ்ட் தலைவர் மோகன்தாஸ் சாமுவேல் விளையாட்டு அலுவலர் மற்றும் வனத்துறை அதிகாரிகளிடம் ஆலோசனை நடத்தினார். இதில் அனைத்து மரங்களையும் அகற்ற வனத்துறை அதிகாரிகள் உத்தரவிட்டனர். அதன் பேரில் இன்று காலை ஆல் கேன்டிரஸ்ட் தலைவர் மோகன்தாஸ் சாமுவேல் தலைமையில் விளையாட்டு அலுவலர் முன்னிலையில் 12 மரங்கள் வெட்டி அகற்றப்பட்டன. இதில் உறுப்பினர்கள் கேசவன், வேல்முருகன், கென்னடி, டேவிட் மற்றும் சமூக ஆர்வலர்கள் கலந்து கொண்டனர்.