» செய்திகள் - விளையாட்டு » விளையாட்டு
இந்தியா - பாகிஸ்தான் டி20 உலகக்கோப்பை போட்டி: மழையினால் பாதிக்கப்பட வாய்ப்பு?
வெள்ளி 13, பிப்ரவரி 2026 8:56:31 PM (IST)
இலங்கை தலைநகர் கொழும்பில் வரும் ஞாயிற்றுக்கிழமை நடைபெறவுள்ள விறுவிறுப்பான இந்தியா - பாகிஸ்தான் இடையிலான டி20 உலகக்கோப்பை கிரிக்கெட் போட்டி, மழையினால் பாதிக்கப்பட வாய்ப்புள்ளதாகத் தெரிகிறது.
வங்கக்கடலில் நிலவும் குறைந்த காற்றழுத்தத் தாழ்வு நிலை காரணமாக, ஞாயிற்றுக்கிழமை கொழும்பில் மழை பெய்ய வாய்ப்புள்ளதாக இலங்கை வானிலை ஆய்வு மையம் வெள்ளிக்கிழமை எச்சரிக்கை விடுத்துள்ளது. இது தொடர்பாகப் பொதுமக்கள் விழிப்புடன் இருக்குமாறும் கேட்டுக்கொள்ளப்பட்டுள்ளது.
அக்யூவெதர் (Accuweather) கணிப்பின்படி, ஞாயிறு காலை மற்றும் மதிய வேளைகளில் மழை பெய்ய வாய்ப்புள்ளது. இருப்பினும், இந்திய நேரப்படி இரவு 7 மணிக்குத் தொடங்கவுள்ள போட்டியின் போது மழை பெய்ய வாய்ப்பில்லை எனக் கூறப்படுகிறது.
இந்தப் போட்டி ஏற்கனவே பல சர்ச்சைகளைக் கடந்து வந்துள்ளது. முதலில் வங்கதேசத்திற்கு ஆதரவாகப் போட்டியைப் புறக்கணிப்பதாக அறிவித்த பாகிஸ்தான், பின்னர் தனது முடிவை மாற்றிக்கொண்டு இந்தியாவுடன் விளையாடச் சம்மதித்தது. இப்போட்டியைக் காண இரு நாடுகளிலிருந்தும் ஆயிரக்கணக்கான ரசிகர்கள் கொழும்பில் குவிவார்கள் என எதிர்பார்க்கப்படுகிறது.
நடப்பு சாம்பியனான இந்திய அணி, அமெரிக்கா மற்றும் நமீபியா அணிகளுக்கு எதிரான போட்டிகளில் வெற்றி பெற்று பலமான நிலையில் உள்ளது. பாகிஸ்தான் அணி நெதர்லாந்துக்கு எதிரான போட்டியில் நூலிழையில் வெற்றி பெற்ற நிலையில், அமெரிக்காவுக்கு எதிரான போட்டியில் 32 ரன்கள் வித்தியாசத்தில் வெற்றி பெற்றது குறிப்பிடத்தக்கது.
மக்கள் கருத்து
மேலும் தொடரும் செய்திகள்
சிஎஸ்கே தொடர் தோல்வி: தலைமை மாறுமா? ருதுராஜ் - பிளெமிங் மீது ரசிகர்கள் அருப்தி!
ஞாயிறு 5, ஏப்ரல் 2026 12:59:36 PM (IST)
சாம்சனை இப்போதே எடை போடாதீர்கள்! - சிஎஸ்கே பயிற்சியாளர் பிளெமிங் ஆதரவு
சனி 4, ஏப்ரல் 2026 11:13:13 AM (IST)
அபிஷேக் சர்மாவுக்கு அபராதம்: ஐபிஎல் ஒழுங்கு நடவடிக்கை ஏன்?
வெள்ளி 3, ஏப்ரல் 2026 12:23:08 PM (IST)
வருண் சக்கரவர்த்தியின் மிஸ்டரி முடிவுக்கு வந்ததா? விமர்சனங்களுக்கு கே.கே.ஆர் பயிற்சியாளர் பதிலடி!
வியாழன் 2, ஏப்ரல் 2026 5:00:44 PM (IST)
தோல்வியால் விரக்தி: மைதானத்திலேயே ரிஷப் பண்டை கடிந்து கொண்ட சஞ்சீவ் கோயங்கா!
வியாழன் 2, ஏப்ரல் 2026 11:08:34 AM (IST)
தோனி இல்லாத சிஎஸ்கே தடுமாற்றம்: வைபவ் சூர்யவன்ஷியின் அதிரடியில் ராஜஸ்தான் அபார வெற்றி!
செவ்வாய் 31, மார்ச் 2026 11:41:28 AM (IST)
ஐபிஎல் 2026 தொடரில் தோனி விளையாட மாட்டார்? அதிகாரப்பூர்வ அறிவிப்பு!
சனி 28, மார்ச் 2026 11:13:33 AM (IST)
