ஹஜ் பயணிகளுக்கான மருத்துவ பரிசோதனை முகாம் ஆட்சியர் இரா.சுகுமார் ஆய்வு!

நெல்லையில் ஹஜ் புனித யாத்திரை செல்பவர்களுக்கு மருத்துவ பரிசோதனை மற்றும் தடுப்பூசி முகாமினை மாவட்ட ஆட்சியர் இரா.சுகுமார், தொடங்கி வைத்து, பார்வையிட்டார். 

திருநெல்வேலி மருத்துவ கல்லூரிக்கு அருகே அமைந்துள்ள M.O.C வளாகத்தில் இன்று (29.04.2025) ஹஜ் புனித யாத்திரை செல்பவர்களுக்கு மருத்துவ பரிசோதனை மற்றும் தடுப்பூசி முகாமினை மாவட்ட ஆட்சித் தலைவர் இரா.சுகுமார், தொடங்கி வைத்து, பார்வையிட்டார்கள். 

திருநெல்வேலி மாவட்டத்தில் மொத்தம் 229 நபர்கள் ஹஜ் புனித யாத்திரை செல்ல இருப்பதால் அவர்களுக்கான கியூ.எம்.எம்.வி.தடுப்பூசிகள் QMMV – Quadrivalent Meningococcal Meningitis Vaccine (QMMV) மற்றும் எஸ்.ஐ.வி தடுப்பூசிகள் (Seasonal Influenza Vaccine) இன்று திருநெல்வேலி மருத்துவ கல்லூரிக்கு அருகே அமைந்துள்ள M.O.C வளாகத்தில் வைத்து காலை 9 மணி முதல் நடைபெற்றது. இம்முகாமில் ஹஜ் புனித யாத்திரை செல்வோர் கலந்து கொண்டு மருத்துவ பரிசோதனை செய்து தடுப்பூசிகள் போட்டுக் கொண்டனர். 

தொடர்ந்து, நாளையும் 30.04.2025 ஹஜ் புனித யாத்திரை செல்பவர்களுக்கு மருத்துவ பரிசோதனை மற்றும் தடுப்பூசி முகாம் நடைபெறவுள்ளது. ஹஜ் புனித யாத்திரை செல்வோர் இம்முகாமினை பயன்படுத்தி கொள்ளுமாறு மாவட்ட ஆட்சித் தலைவர் இரா.சுகுமார், தெரிவித்துள்ளார்.இம்முகாமில், மாலினி, சைலா, ரமீஸ் ராஜா, விஜய் ஆனந்த், ஆஸ்பாஸ் உட்பட மருத்துவக் குழுவினர் உட்பட பலர் கலந்து கொண்டனர்.